Халықтың қауіпсіздігін қамтамасыз ету үшін барлық шара қабылданып жатыр - министр

Қорғаныс министрі Нұрлан Ермекбаев Сарыкемер ауылында журналистердің сұрағына жауап берді. Ведомство басшысы халықтың қауіпсіздігін 100% қамтамасыз ету үшін барлық шаралар қабылданып жатқанын айтты. Министрдің мәліметінше, әскери қызметшілер оқиға орнында жұмыс істеп жатыр, өрт толығымен сөндірілген, әлі бықсып жатқан 2 қойма бар. Сондықтан қойма базасына жақын жердегі бірнеше үйдің тұрғындарынан басқасы үйіне оралған.

Нұрлан Ермекбаев, ҚР Қорғаныс министрі: 
Бұл базада тек инженерлік оқ-дәрілер сақталған. Инженерлік оқ-дәрілер жарылғанда ұзақ қашықтыққа ұшпайды. Арысқа қарағанда тұрғын үйлер жақын қашықтықта емес. Базадан алыс.

Ақниет Балтанова