Жамбыл облысындағы жарылыс: Қаза болғандар саны 5-ке жетті

Жамбыл облысындағы жарылыстан тағы 1 әскери қызметкер қаза тапқаны белгілі болды. Бұған дейін, Қорғаныс министрі 4 әскери қызметкердің көз жұмғанын хабарлаған болатын. Олар 1981 жылы туған сержант Марат Мешінбай мен ефрейтор Руслан Жанболатов, 1969 жылы туған әскерилендірілген күзет қызметшісі Оразбек Далибаев және полковник Хапезов. Сонымен қатар, жоғалып кеткен бірнеше адам іздестіріліп жатыр. Уақытша эвакуация пунктерінде 171 тұрғын бар. Облыс әкімдігі оларға барлық жағдай жасалып жатқанын мәлімдеді . Жамбыл облысының жедел хабарласу желісіне 473 қоңыраулар мен хабарламалар түскен.

Нұрлан Ермекбаев, ҚР Қорғаныс министрі: 

Ең алдымен осы апатта өрт сөндіру барысында қаза тапқан 4 әскери қызметкерлердің жақын туыстарына қайғырып көңіл айтамыз және жарақат алғандардың тез арада жазылып шығуын тілейміз.

Ақниет Балтанова