Екпе алған адам ағзасында антиденелер 30 пайызға көбейеді

Коронавирусқа қарсы вакцина алған адамның ағзасындағы антиденелер 20-30 пайызға көбейеді. Тәжірибе жүргізген қызылжарлық дәрігерлер осындай ұйғарым жасады. Елімізде екпе егу науқаны басталған сәтте облыстық көпбейінді аурухананың бір топ қызметкері іріктеліп алынған. Олар вакцина алар алдында және толық салдырған соң ағзадағы антиденелер мөлшерін анықтау үшін сараптама жасаған.

Юрий Белоног, облыстық көпбейінді аурухананың бас дәрігері:

Біз Спутник V-ді сынадық. Вакцина - жұмыс істейді. Оған көзім жетті. Бір ғана мысал келтірейін, облыстық ауруханада 100 орынға арналған инфекциялық стационар ашылды. Қазір 109 адам емделіп жатыр. Соның 101-не екпе қойылмаған. Вакцина салдырғандар арасында ауыр халде жатқандар жоқ.

Эльмира Кәленова