Мемлекет басшысы Ауғанстандағы ахуалға байланысты жиын өткізді

Мемлекет басшысы Қасым-Жомарт Тоқаев Ауғанстандағы жағдайға байланысты кешелі бері екінші рет жиын өткізді. Бұл туралы Президенттің баспасөз хатшысы Берік Уәли хабарлады. Жиынға Премьер-Министр, Ұлттық қауіпсіздік комитетінің басшысы және бірқатар министрлер, Бас прокуратура, Мемлекеттік күзет қызметі мен Қауіпсіздік Кеңесінің Хатшысы қатысты. Ауғанстан Ислам Республикасындағы ахуалға орай ұлттық мүддемізді ескере отырып, шұғыл әрекет шаралары мен ел азаматтарының қауіпсіздігін қамтамасыз ету мәселелері талқыланды. Президент құзырлы мекемелерге Ауғанстандағы жағдайды жан-жақты бақылауда ұстауды тапсырды.

Шерхан Жамбылұлы