Алматыда жалған ПТР анықтамасын сатқан студент ұсталды

Алматыда жалған ПТР анықтамасын сатқан студент ұсталды. Ол қаладағы медицина университетінің бірінде оқитын болып шықты. Қамауға алынған азамат жеке медициналық орталықтың егу бөлмесінде жұмыс істеген.

Жедел-іздестіру шараларының нәтижесінде жалған ПТР анықтамасын сату туралы ақпарат расталды. Күдікті өз қызметін 20 мың теңгеге бағалаған. Аталған факт бойынша Қылмыстық кодекстің 385-бабы 1-тармағымен қылмыстық іс қозғалды. Өз кінәсін толық мойындаған 25 жастағы тұрғын бұл іске бір-ақ рет барғанын айтты. Тергеу барысында оның тағы қанша адамға жалған құжат дайындап бергені анықталмақ.

Күдікті:

Мен бір адамға ғана ПТР сынамасының нәтижесін дайындап бердім. Бұл үшін 20 мың теңге алғаным рас. Өз кінәмді толық мойындаймын және осы әрекетіме өкінемін.

Қуан Нұрақын