Елордалық еріктілер экосенбілік ұйымдастырды

Халықаралық жастар күніне орай Елордалық еріктілер экосенбілік ұйымдастырды. 20-ға жуық волонтер Жағалау шағын ауданының маңайындағы қоқысты тазалап шықты. Жыл басынан бері экологиялық акция аясында 50-ден астам іс-шара ұйымдастырылған. Жыл соңына дейін еріктілер бас қаланың әрбір көшесін тазалап шығуға ниетті. Күн суытып, қар түскенде де бұл жұмыстар жалғаса бермек.

Олжас Хамитов, волонтер: 

Қазіргі кезде қала ішінде, қала маңында экологиялық жағдай бұрынғына қарағанда жақсарған. Ол осындай экосенбіліктер мен экоакциялардың арқасында. Әр қаланың азаматы осыған атсалысса деймін.

Ақниет Балтанова