Павлодарда жалған іссапар рәсімдеген мемлекеттік қызметкерлер сотталды

Павлодарда «іссапар шығыны» деп көрсету арқылы миллиондаған бюджет қаржысын қалтаға басқан мемлекеттік қызметкерлер сотталды. Олар екі жыл ішінде 9 млн теңге жымқырған. Сәулет және қала құрылысы басқармасы басшысы 3 жылға, оның қарамағындағы 2 бөлім басшысы мен есепші 2 жыл 6 айға бас бостандығынан айырылды. Күдіктілер жалған іссапар рәсімдеуден бөлек, мемлекеттік қызметті кәсіпкерлік мақсатта да пайдаланған.

Мәдина Нысанбекова, Облыстық соттың баспасөз хатшысы міндетін атқарушы: 
Сонымен қатар кәсіпкерлік қызметке заңсыз қатысу фактісі бойынша 364-ші баптың 1 ші бөлігі бойынша қылмыстық іс қаралды. Сотталғандар өмір бойы мемлекеттік лауазымдық қызметпен айналысу құқығынан айрылды. Үкім заңды күшіне еңген жоқ.

Болат Аманбаев