Жаңалықтарды Telegram арнамыздан оқыңыз!Арыстағы апаттың салдарымен күресіп, тұрғындардың қауіпсіздігін қамтамасыз ету үшін кешелі бері сақшылар оқиға орында тапжылмай міндеттерін орындап жүр. Ордабасы ауданы Сарыарық ауылында облыстық жедел штаб құрылды. Сондай-ақ «Қауырт желі» жұмысы ұйымдастырылды.
Кол-орталық нөміріне 11 мыңнан астам қоңырау түскен екен. Құтқару шараларына жұмылдырылғандардың саны 1282 адам. Олардың ішінде 357 Төтеннше жағдай қызметкері, 345 полиция қызметкері, 580 Ұлттық ұлан жауынгері бар. Сондай-ақ 115 дана техника, 1 «ЕС-145» тік ұшағы және 3 өрт сөндіру пойызы жұмыс істеді. Тікелей Арыс қаласының өзінде 23 өрт сөндіру тобы тілсіз жаумен күресті. Бұл құрылымдар 21 тұрғын үй, 9 шаруашылық құрылысы, сондай-ақ 15 дала өртін сөндірді. Төтенше жағдай аумағынан 2 815 адам көшірілсе, 39 мың адам қаладан өздері шығып кеткен. Шаһардағы құқықтық тәртіп пен мүліктердің сақталуын қамтамасыз ету үшін полицияның 75 жасағы патрулдеуге тартылды. 3 блок-бекет қойылды. Шыққан автокөліктер тексерілді. 
Альбина ӘШІМ
