Түркістан облысында жыл басынан бері 600-ге тарта той тоқтатылған - «Qazaqstan» Ұлттық телеарнасы

Түркістан облысында жыл басынан бері 600-ге тарта той тоқтатылған

02.08.2021

Түркістан облысы «қызыл» аймаққа өткеніне қарамастан, той өткізу тыйылар емес.

Жыл басынан бері 600-ге тарта той анықталып, тоқтатылған. Мәселен, Сайрам ауданында жергілікті тұрғындар демалыс аймағының аумағында жасырын той өткізген. Шардара мен Сарыағаш аудандарында да отбасылық салтанатты шаралардың тоқтайтын түрі жоқ. Аймақта осы жылдың басынан карантин талаптарын бұзудың 4700 дерегі тіркеліп, санитарлық талаптарға бағынбағандардың ісі сотқа жолданған.

Әлихан Алентаев, Облыстық ПД жергілікті полиция қызметі басқармасының аға инспекторы:
Келес ауданының мобильдік тобымен Келес ауданының тұрғыны 200-ге жуық адамды жинап, үйлену тойын өткізіп жатқан дерегі анықталды. Тойхана иесіне және той өткізген азаматқа қатысты тиісті құжаттар жинақталып, СЭС-ке жолданды.

Айнұр Ақбаева

Хабарламаларға жазылу