Павлодар облысында короновирус жұқтырған жүкті әйелдердің саны көбейіп келеді

Павлодар облысында жүкті әйелдердің індетке шалдығуы жиілеп кетті. Қазір 44 әйел ауруханада жатыр. Сондай-ақ аймақта вирус балалар арасында белең алып барады. Ауру анықталған 128 баланың 72-і стационарда ем қабылдауда. Олардың көпшілігі 1-5 жас аралығында. Ең кішісі 2 айлық сәби.

Ирина Красильникова, №1 қалалық аурухананың акушер-гинекологы:
Жүкті әйелдің ковидке шалдыққаны аса қауіпті. Жүктіліктің бастапқы кезеңінде баланы түсіріп алуы мүмкін. Айы-күні жетіліп отырған жағдай да баладан айрылып қалу қаупі бар. Бұл ауру кейде анадан жаңа туған балаға жұғады. Бірақ ондай жағдайлар өте сирек.

Болат Аманбаев