«Қазақстан мұғалімі» республикалық жобасына өтінімдер қабылдау уақыты ұзартылды

«Қазақстан мұғалімі» республикалық жобасына өтінімдер қабылдау 15 тамызға дейін ұзартылды. Бұл дүниежүзілік Нобель сыйлығының баламасы, «Әлем мұғалімі» жобасының аясында өткізілетін шара. Айта кетейік, ұлттық сыйлық иегері 4 млн теңге көлеміндегі жүлдеге ие болады. Сондай-ақ, үкіметтік емес ұйымдар үшін 30 шағын грантты қаржыландыруға 1 миллион теңге бөлініп отыр. Іріктеудің әділ өтуін Халықаралық аудиторлық компания бақылайды. Жеңімпаз атанған 10 мұғалім 2022 жылғы «Әлем мұғалімі» жаһандық сыйлығына қатысуға мүмкіндік алады.

Ермек Мәжитов, «Қоғамдық маңызы бар бастамаларды дамыту қоры» ЖҚ төрағасы:
Биыл «Болашақ мұғалімі» атты жаңа бағыт іске қосылады. Жоба аясында педогоикалық бағытта білім алатын 10 студент - 10 жоғары оқу орнынынан іріктеліп алынады. Ал «Әлем мұғалімі» байқауының ақтық сынына жолдама алған 10 ұстаз оларға тәлімгер болып тағайындалады.