Оралда жалған екпе құжатын жасатқан мұғалім ұсталды

Оралда жалған екпе құжатын жасатқан мұғалім ұсталды. 37 жастағы әйел адам қаладағы мектептердің бірінде жұмыс істейді. Қылмыстық әрекеті үшін күдіктіге қатысты іс қозғалды. Мұғалім жарты миллион теңге айыппұл төлеуі немесе 40 күнге қамалуы мүмкін. Бұл іске дәрігерлердің қатысы бар ма, жоқ па деген сауал қазір жіті тексеріліп жатыр.

Мөлдір Садырғалиева,  облыстық Полиция департаменті баспасөз қызметінің жетекші маманы:
Қазіргі таңда бұл ақпарат тексерілуде. Қылмыстық кодекстің 385-бабы 3-бөліміне сәйкес тергеп-тексеру амалдары жүргізілуде.

Ардақ Мұратқызы