Британдықтар қауіптілігі орташа елдерден оралғанда оқшауланбайды

Вакциналаудың арқасында Ұлыбритания халықтың шекарадан еркін өтуіне жағдай жасауда. Коронавирусқа қарсы вакцинаның қос дозасын алған британдықтар енді қауіптілігі орташа елдерден оралғанда оқшауланбайды.  Жаңа қаулы 19 шілдеден бастап, яғни елде локдаун толық аяқталғаннан кейін күшіне енеді. Дегенмен, жолаушылар шекарадан өтер алдында және өткен соң 2 күннен кейін ПТР тест тапсырулары керек.

Грант Шеппс, Ұлыбритания көлік министрі: 

Вакциналау науқанын өте сәтті жүргізген мемлекеттердің бірі ретінде халықтың еркін жүріп тұруына жағдай жасауымыз керек. Жаңа ереженің Ұлыбританияда екпе алғандарға ғана қатысы бар. Біз бұл тізімге АҚШ және Еуро Одақ мемлекеттерінде вакцина алғандарды да енгізуді жоспарлап отырмыз.

Марина Бекенова