Сыр өңірінде 36 адам суға батып кетті

Сыр өңірінде су айдындарында қайғылы жағдайлар толастамай тұр. Аймақта жыл басынан бері 36 адам судан ажал құшты. Өкінішке орай, оның 20-сы бала.

Аптап ыстықта судан сая іздеп, шомылуға барғандардың көбісі мектеп оқушылары. Өзен-көлдерде 3 жастағы сәбиден, 10-17 жас аралығындағы оқушылардың өмірі қиылған. Бүгінде құтқарушылар рейдттік шараларды күшейтіп, жағалауларды торуылдағанымен рұқсат етілмеген жерлерде суға түсетіндер әлі көп.

Мейрамбек Доспенбетов, облыстық ТЖД жедел құтқару жасағы басшысының орынбасары: 

Соңғы іздестіру жұмыстары Арал ауданында Ақеспе Кіші Арал теңізінде қайықпен серуендеуге шығып, қайықтан құлап кеткен бойынша хабарлама түсті. Сол бойынша қазір жедел-құтқару жасағынан 4 құтқарушы бір техника іздестіру жұмыстарын жүргізуде. Облыс тұрғындарына айтарым белгіленбеген аймаққа суға түсуге болмайды. Суда қауіпсіздік ережелерін қатаң сақтауын сұраймыз.

Әділбек Серікұлы