Ауғанстанның Бағрам әуе базасынан соңғы шетелдік жауынгер кетті

Ауғанстанның Бағрам әуе базасынан АҚШ және НАТО жауынгерлерінің соңғы легі кетті. «Рейтер» агенттігінің хабарлауынша, бұл база толықтай жергілікті қауіпсіздік күштердің бақылауына көшкен.

Шетелдік сарбаздардың Ауғанстаннан шығуына бұған дейін тәліптермен жасалған бейбіт келіссөз себепші. Бұған дейін АҚШ президенті Джо Байден америкалық контингенттің Бағрамнан қыркүйектің 11-не дейін шығатынын мәлімдеген еді.

Айта кетсек, Ауғанстан - жерінің 40 пайызы тәліптердің бақылауында. АҚШ барлаушылары коалиция күштерінің шығуынан кейін Ауғанстанда азаматтық соғыс өрті қайта тұтануы мүмкін екенін болжап отыр. 

Арай Төлеген