Жаңалықтарды Telegram арнамыздан оқыңыз!Екі инкассаторды өлтіріп, «Қазпоштаның» қаржысын тонаған қанды қол қарақшы ұсталды. Күдікті сол пошта бөлімшесінде жұмыс істеген жергілікті тұрғын болып шықты.
Қанды оқиға 7 маусым күні болды. Түркістан облысы Арыс аудандық полиция бөліміне 2 инкассатордың үшті-күйлі жоғалғаны туралы хабар кеп түседі. Олар ауылға ақша жеткізуге шығып кеткен екен. Көлікте зейнетақы мен жәрдемақыға арналған 7,5 миллионнан астам теңге болған. Жедел іздестіру кезінде Арыс қаласынан 3 шақырым жерден бос көлікті тапты. Ал аудан орталығынан 35 шақырым жерден 2 инкассатордың мәйіті табылды.
Кісі қолынан қаза тапқандардың бірі - 4 баласы бар 55 жастағы азамат. Екіншісі - жақында ғана үйленген 25-тегі жас жігіт. Ал ақша үшін екі бірдей әріптесінің өмірін қиған қаныпезер өз үйінде жатқан жерінде қолға түсті.
Қайрат Дәлібеков, Түркістан облыстық Полиция департаментінің бастығы:
- Өз күнәсін мойыпдап, сотқа дейінгі тергеу амалдары жүруде. Айғақ зат ретінде қару алынды, ақша да анықталып, алынды.
Ғани ҚАЛМАХАН
