Жаңалықтарды Telegram арнамыздан оқыңыз!Футболдан Еуропа чемпионатының бәсекелері қыза түсті. Екі құрама ширек финалға жолдама алды.
Чехия Нидерландыны жеңіп, ширек финалға өтті. Мұны сарапшылар плей-офтағы алғашқы сенсацияға балап жатыр. Кездесу Будапешттегі Пушкаш Арена стадионында өткен еді. Есеп 2:0. 55 минутта жартылай қорғаушы Томаш Голеш командасын алға шығарса, 80 минутта Патрик Шик есепті еселей түсті.
Ал Бельгиядан жеңілген Португалия құрамасы болса, турнирді осы жерден аяқтайды. Еуропаның қазіргі чемпиондары бельгиялықтардың қақпасына сан мәрте соққы жасағанымен, жолдары болмады. Ойын тағдырын қарсыластың бір ғана дәл соққысы шешіп кетті.
Досжан Маратұлы
