Ақтөбе облысының экономикасы қарқынды өсіп келеді

Ақтөбе облысының экономикасы жыл басынан бері қарқынды өсім көрсетіп жатыр. Әсіресе өнеркәсіп, инвестиция тарту, сауда, құрылыс сияқты салаларда оң динамика бар. Бұл туралы облыс әкімі Оңдасын Оразалин журналистерге арналған баспасөз мәслихаты кезінде айтты. Қазір өңірдегі ірі проблеманың бірі – қуаңшылық. Өңір басшысы жергілікті әкімдіктер шаруа қожалықтарымен бірлесе қысқа дайындықты бастап кеткенін айтты. Егер жұмыс ойдағыдай болса, қуаңшылықты шығынсыз еңсеруге мүмкіндік бар. Тіпті өзге өңірлерге мал азығымен көмек бере аламыз деді. Сондай-ақ Ақтөбеде соңғы жылдары экологиялық мәселелердің өзектілігі артқан. Қоқыс полигондары толып кеткен. Оңдасын Оразалин проблема бақылауда, жуық арада шешеміз деп сөз берді.

Оңғар Алпысбайұлы