Қызылордада жоғалып кеткен 13 жасар қыз өлі табылды

Қызылордада 18 маусым күні жоғалып кеткен 13 жасар қыз өлі табылды. Іздестіру тобы жасөспірімнің мүрдесін Шіркейлі каналынан шығарып алды.

300-ге жуық адам екі күн бойы жер-жерді тінтіп шыққан. Нәтиже болмаған соң, үйіне жақын маңдағы су айдынынан іздестіріліп, каналдың бойынан табылды. Кәмелет жасқа толмаған қыздың денесінде зорлық-зомбылық белгілері байқалмайды дейді полицейлер. Бірақ, сот-медициналық сараптама тағайындалып, қайғылы оқиғаға қатысты тергеу әрекеттері басталды.

Әділбек Серікұлы