Ақтаудағы маяк 10 жылдан кейін қайта іске қосылды

Ақтауда Каспий теңізіндегі кемелерге жол көрсетіп, бағыт-бағдар беретін «Меловой» маягы 10 жылдан кейін қайта іске қосылды.

Жарты ғасырлық тарихы бар нысанның жарықшамы ескіріп, 2011 жылы істен шыққан. Биыл кәсіпкерлердің қолдауымен жөндеу жұмыстары жүргізіліп, диодты айналмалы жарықшам орнатылды. Маяк 9-шы шағын аудан 4-үйдің төбесінде, теңіз деңгейінен 71 метр биіктікте орналасқан. Жарығы 38 шақырымға дейін жетеді. Нысанды күні-түні әскери қызметшілер күзетеді.

Аягөз Оралбайқызы