Жаңаөзендегі газ өңдеу зауытында өрт шықты

Жаңаөзен қаласындағы газ өңдеу зауытында өрт шықты.

Қызыл жалын түнде тұтанған. Зауыттың компрессор цехындағы мың шаршы метрге жуық аумақ отқа оранды. 13 техника мен 57 маман жұмылдырылып, тілсіз жау 1 сағатта ауыздықталды. Зардап шеккендер жоқ. Өрттің шығу себебі анықталуда. Тілсіз жау қайтадан өршімес үшін заводта газ беру тоқтатылды. Қазір өндіріс орны ішінара , 30 пайызға ғана жұмыс істеп тұр. Завод басшылығының айтуынша, қорда 2 тәулікке жететін сұйытылған газ бар. Сондықтан өңірде газ тапшылығы болмайды.

Болат Байшуақов, зауыттың бас инженері:
Өрт шыққан бөлімде кәдімгі ауа мен кәдімгі су қолданылады. Ешқандай химиялық реагенттер қолданылмайды. Химиялық улы зат бөлінді деген жалған ақпарат. 

Аягөз Оралбайқызы