Жаңалықтарды Telegram арнамыздан оқыңыз!Мұхиттың арғы жағында да аяқдод додасы қыза түсті. Бразилияда 2021 жылғы Америка кубогі басталды.
Топтық кезеңнің алғашқы ойын күні Бразилия мен Венесуэланың ойыншылары кездесіп, алаң иелері 3:0 есебімен ойсырата жеңді. 23-минутта Маркиньос бұрыштамадан көтерілген допты қақпаға салып, есеп ашса, 64-минутта Неймар пенальтиден тағы бір гол салды. Ал 89-минутта Габриэл Барбозо есепті 3:0-ге жеткізіп, қарсыластарға мүлдем мүмкіндік қалдырмады.
Бұдан кейін Колумбия мен Эквадор құрамасының ойыншылары кездесті. Қауіпті сәттерге толы матчтың 42-минутында есеп ашқан Эдвин Кардона. Бұдан кейін де гол салуға мүмкіндіктер болғанымен, есеп өзгерген жоқ. 1:0. Қазір Колумбия мен Бразилия командаларында үш-үш ұпайдан бар.
