Жаңалықтарды Telegram арнамыздан оқыңыз!Швейцарияда өткен референдумда халықтың 51 пайызы улы газдың ауаға тарауын қысқартуға қарсы дауыс берді. Үкімет атмосфераның ластануын шектеу мақсатында жанармай мен авиабилетке салықты арттыруды ұсынған еді. Бірақ, табиғатқа қамқорлығын мақтан тұтатын швейцариялықтардың жартысынан астамы бұл идеяны мақұлдамады. Өйткені, олардың ойынша, жаңа заң ғаламдық пандемиядан әрең ес жиып келе жатқан экономикаға зиян тигізуі мүмкін.
Жергілікті ақпарат құралдарының хабарлауынша, халықтың экологияны қорғауға бағытталған ережені қолдамауы климат жанашырларын қатты таң қалдырып отыр. Алайда, Альпі тауы баурайындағы ел тұрғындарының көбі табиғаттағы өзгерістерге адамдардың іс-әрекеті себепші деген аса сенбейді.
Арыстан Рысбек
