EURO 2020: Алғашқы ойын Түркия мен Италия құрамаларының кездесуімен басталады

Алғашқы ойын бүгін түнгі сағат 12:50-де Римде Түркия мен Италия құрамаларының кездесуімен басталады. Италияның бас бапкері Роберто Манчини көптен күткен алғашқы матч әдеттегідей эмоцияға толы болғанымен, бұл ойынға көп күш жолғатпаймыз деп байсалды кейіп танытып отыр.

Алдындағы соңғы жолдастық кездесуде олар керемет ойын көрсетіп, чехтардың қақпасына төрт гол соққан. Алайда сарапшылар Түркияны Роберто Манчинидің соңғы қарсыластарынан әлдеқайда мықты деп санайды. Ал Түркия ұлттық құрамасының бас бапкері Шенол Гюнештің айтуынша, ойыншылар мықтылығын алғашқы матчтан-ақ дәлелдейді.

Ермұхаммед Мәулен, спорт комментаторы:

Италия құрама командасы бүгінгі матчтың басты фавориті және Римде, өз отандарында бір доп айырмасымен болса да, жеңіске жетеді.3 ұпай топтық кезеңнің ең маңызды компоненті, сол 3 ұпайды Италия құрамасы алатыны түсінікті. Оның үстіне Италия құрамасы жеңіліссіз серия жасап келе жатыр. Ешқашан жеңілген емес.

Ақерке Бектас