Елордада этностиль бағытында халықаралық көрме ұйымдастырылды

Ұлттық музей мен Еуразиялық дизайнерлер одағы бірлесіп, этностиль бағытында халықаралық көрме ұйымдастырды. Шараға республиканың барлық өңірінен 150-ге тарта дизайнер қатысты. Үздік туындыларын ұсынған шеберлердің еңбегін әлемдік нарыққа шығару - бүгінгі шараның басты мақсаты. Ең алдымен дизайнерлердің этностильдегі коллекциялары көрсетіліп, артынша сурет, сәндік-қолданбалы өнер, мүсін, зергерлік әшекейлер таныстырылды. Аталмыш шара енді жыл сайын дәстүрлі түрде ұйымдастырылмақ.

Ермек Асылханов, Ұлттық дизайн академиясының төрағасы:
Ұлттық дизайнның өсіп, кенеліп жеткен жері - этнодизайн. Соны біз халқымызға жеткізейік деп көрсетіп жатырмыз.

Есенғали Ахметов, дизайнер:
Қазақстанның шалғай ауылдарынан келген азаматтар басқалармен өзін салыстырып, қатесін көреді, жетістігін көреді. Осылайша бұл үлкен деңгейге апарады.

Ақниет Балтанова