Өткен тәулікте 1000 адам коронавирус жұқтырған

Енді елдегі эпидахуалға келсек. «Қызыл» аймақта Нұр-Сұлтан қаласы ғана қалды. Ал, осыған дейін қауіпті деңгейде тұрған Қарағанды облысы сары аймаққа өтті. Сондай-ақ, қазір Алматы қаласы мен Ақмола, Атырау, Батыс Қазақстан және Павлодар облыстарында вирустың таралуы орташа болса, қалған өңірлер  «жасыл» аймақта.

Күн сайын індетке шалдыққандар саны да азайып келеді. Кеше 1000 адамның вирус жұқтырғаны анықталды. Вирустық белгілері бар пневмонияға 119 адам шалдыққан. Коронавирус пен пневмониядан бір тәулікте 18 адам қайтыс болды. Ал, бүгінге дейін 2 млн 326 мың адам екпе салдырған.

Амангелді Сейітхан