Петропавл тұрғыны банкке салған 8 млн теңгесінен айырылып қалды

Петропавл тұрғыны банкке салған 8 млн теңгесінен айырылып қалды.

44 жастағы әйел бар жиған тергенін телефон арқылы хабарласқан алаяқтың есепшотына аударып жіберген. Аталған факті бойынша қылмыстық іс қозғалып, тергеу амалдары жүргізілуде. Жалпы Солтүстік Қазақстанда жыл басынан интернет-алаяқтықтың 290 дерегі тіркелді. Статистикалық мәліметтерге сүйенсек, елімізде мұндай бес қылмыстың біреуі ғана ашылады.

Данияр Ғалиақпаров, жедел уәкіл:
Алаяқтар банк қызметкерінің қауіпсіздігінен деп өздерін таныстырған. Хабарласу барасында сіздің шотыңыздан алаяқтар қаражаттарды ұрлайын деп жатыр, сондықтан сізге тез арада басқа шот ашып, сол шотқа ақшаларыңызды тастау керек деп айтқан. Сол сөзге сеніп қалып, барлық қаражаттарын сол счетқа лақтырған. 

Эльмира Кәленова