«Павлодар-Қызылорда» тас жолында жолаушылар автобусы апатқа ұшырады

23 адам мінген автобус кешқұрым «Бәйет» елді мекенінің жанында жылқыға соғылған. Көлікте тағы екі бала болған. Жолаушылардың ешқайсы зардап шеккен жоқ, тек автобустың екінші жүргізушісі түрлі дене жарақатымен ауруханаға түсті. Қараусыз жүрген малдың иесі анықталып, оған әкімшілік іс қозғалды. Өңірдегі тәртіп сақшылары жыл басынан бері жол бойында иесіз жүрген 3500-ден астам малды айыптұрағына қамаған.

Болат Аманбаев