Жаңалықтарды Telegram арнамыздан оқыңыз!Алматыда эпиджағдайдың тұрақталуына орай инфекциялық стационар қызметін атқарған ауруханалар қалыпты жұмыс режиміне көшіп жатыр.
Мамандардың сөзінше, мегаполисте вирус жұқтырғандарды ауруханаға жатқызу көрсеткіші төмендеген. Сондай-ақ, бұл бағытта жасақталған өзге ауруханалар да енді коронавирусқа шалдыққандарды қабылдамайды. Жалпы келер айда жағдай бұдан да түзеліп, қала «жасыл» аймаққа өтеді деген болжам бар. Қабылданған шектеу шаралары мен жаппай вакциналау осылайша оң нәтиже берді дейді мамандар.
Сондай-ақ, қоғамдық денсаулық сақтау басқармасының басшысы вакцинадан кейін аяқ-қолы тартылып қалған әйел туралы пікір білдірді. Айтуынша, бұл жағдайдың екпеге қатысы бар-жоғы анықталып жатыр.
Нариман Табынбаев, қалалық қоғамдық денсаулық сақтау басқармасының басшысы:
Мұндай оқиға расымен болған. Видеодағы әйел перинатология және балалар кардиохирургия орталығына 5 ай бұрын акушер қызметіне орналасқан. 29 сәуір күні вакцина салдырып, жағдайы нашарлаған. Осылайша емханаға және кеше №7 ауруханаға барған. Оған тиісті көмек көрсетіліп, үйіне жіберілді.
Нұрхан Нұрланұлы
