Ұлыбританияда 38 млн-нан астам адам вакцина салдырды

Англияда ковидке қарсы екпені 30 жастан асқан азаматтар ала бастады.  

Елде мұражай, дәріхана мен регби ойын алаңдарында, тіпті мешіттерде вакцина салатын пункттер ашылған. Жалпы Ұлыбританияда 38 млн-нан астам адам бірінші дозаны, ал халықтың үштен бір бөлігі қос компонентті алып үлгерді. Үкімет шілденің соңына дейін бірінші дозамен ересектерді түгел қамтамасыз етуді жоспарлап отыр. 

Мэтт Хенкок, Ұлыбритания денсаулық сақтау министрі:
Мен командамды мақтан тұтамын. Өйткені бұл керемет жетістік болды. Көптеген адам күш-жігерін салып, аянбай еңбек етті. Мен оларға өте ризамын. Бәрінен бұрын мен бірінші, содан кейін екінші дозаны қабылдаған халыққа ризамын. 

Марина Бекенова