Жаңалықтарды Telegram арнамыздан оқыңыз!Польшада мейрамханалар мен дәмханалар, барлар қайта ашылып, далада маскасыз жүруге қайта рұқсат берілді. Сондықтан, мұндай мекемелерге сенбіден бері адамдар көптеп барып жатыр. Олар карантинге байланысты былтыр қаза айынан бері жұмыс істемеген еді.
Жұма күні Польшада 3300-ге жуық адамнан коронавирус табылды. Дегенмен, ересек тұрғындардың 36 пайызға жуығы вакциналанғаннан кейін елде карантиндік шектеулер бірте-бірте жеңілдетіліп жатыр.
Ал, Үндістанда өткен тәулікте тағы 4 мыңдай адам ковидтан қайтыс болды. Сол себепті бірқатар штаттар локдаун мерзімін ұзартатынны мәлімдеп отыр.
Бұл мемлекет пандемиядан 270 мыңдай адам жоғалтып, жұқтырғандар саны 24 миллионнан асып отыр. Солардың 311 мыңнан астамы жексенбіде тіркелген.
Арыстан Рысбек
