Жаңалықтарды Telegram арнамыздан оқыңыз!Қызылордада жеңіл автокөлік жол бойындағы каналға аударылып, бір жолаушы ажал құшты. Škoda маркалы көліктің ішінде барлығы 5 адам болған. Оқыс жағдай Қызылорда-Жезқазған трассасының қаладан шыға беріс тұсында болған. Куәгерлердің айтуынша, жүргізуші көлік тізгініне ие бола алмай, суға толы каналға ауып кеткен.
Қайғылы оқиғадан қаза тапқан жолушы - 1961 жылы туған ер адам. Қалғандары дәрігерлердің көмегінен кейін үйіне қайтарылды. Арнайы техниканың көмегімен көлік судан шығарылды. Жалпы соңғы бір аптада өңірдегі су айдындарында үш адам ажал құшты. Соның біреуі- бала.
Әділбек Серікұлы
