Қызылордада қатты желден бір үйдің шатыры ұшып кетті

Қызылордада бірнеше күннен бері қатты жел соғып, тұрғындарды біраз әбігерге салды. Тіпті, қаланың бірнеше аумағы жарықсыз қалды. 

Секундына 20-25 метр жылдамдықпен соққан шаңды дауылдан Арай мөлтек ауданында бір үйдің шатыры ұшып кетіп, жоғары кернеулі электр бағанасына барып түскен. Абырой болғанда, адамдар зардап шеккен жоқ. Бірнеше сағаттан кейін үйлерге жарық қайта берілді. 

Әділбек Серікұлы