Президент Финляндияның Сыртқы сауда және халықаралық дамуды қолдау министрін қабылдады - «Qazaqstan» Ұлттық телеарнасы

Президент Финляндияның Сыртқы сауда және халықаралық дамуды қолдау министрін қабылдады

14.05.2021

Президент Қасым-Жомарт Тоқаев Финляндияның Сыртқы сауда және халықаралық даму министрі Вилле Скиннариді қабылдады.

«Финляндия Солтүстік Еуропа елдері арасындағы Қазақстанның ірі инвесторы. Біз екі елдің белсенді әрі жан-жақты ынтымақтастығын жоғары бағалаймыз»,-деді Мемлекет басшысы.

Сондай-ақ Финляндия Президенті Саули Ниинистёге сәлем жолдап, оны Қазақстанға ресми сапармен келуге шақырды. Қос ел арасында сауда-саттықты дамытып, инвестиция тарту маңызды. Осылай деген Қасым-Жомарт Тоқаев шетелдік инвесторлар мен фин технологиясын трансферттеуге жеңілдік жасауға әзір екенін жеткізді. Экологиялық мәселелерді шешу, азық-түлік секторын дамыту мен киберқауіпсіздік бойынша ықпалдастық орнатуға мүдделіміз,-деп сөзін түйіндеді.  

Нысаналы Ығыл

Хабарламаларға жазылу