Жаңалықтарды Telegram арнамыздан оқыңыз!Павлодарда қоғамдық автобус апатқа ұшырады. Көлік жолдан шығып кетіп, жарнама ілетін бағанға соғылған. Салдарынан 8 адам зардап шекті. Алдын-ала мәліметке қарағанда жүргізушінің денсаулығы нашарлап, қол-аяғының сіңірі тартылып қалған. Тежегішті басу қиындағандықтан, көлікті жолдан шығарып үлгергенге ұқсайды. Автобустағы жолаушыларға жедел медициналық көмек көрсетіліп, көбі үйлеріне жіберілді.
Жанна Белялова, Полиция департаментінің баспасөз хатшысы:
Екі бала және екі ересек адам ауруханаға жатқызылды. Автобус жүргізушісінің алкогольді ішімдікті татып алмағаны анықталды. Техникалық сараптамалар жүргізіліп жатыр. Әзірге көліктің қалай жолдан шығып кеткені белгісіз.
Болат Аманбаев
