Шымкентте карантин талабын бұзған дүкен мен ойынхана анықталды

Шымкентте карантин талабын бұзған азық-түлік дүкені мен компьютерлік ойынхана анықталды. Сауда орны уақыттың шектелгеніне қарамастан түнгі сағат 11-ге дейін жұмыс істеген. Оның үстіне сатушы санитарлық сақтық шараларын мүлдем ұмытып, бетперде тақпаған күйі қызмет көрсеткен. Сондай-ақ дүкенде келушілердің дене қызуын өлшейтін құрал, антисептик болмаған. Ал  мобильді топ барғанда компьютерлік ойынхананың терезелерін қараңғылап алған клуб ішінде 20-ға жуық жасөспірім ойын ойнап отырған. Енді кәсіпкерлерге әкімшілік шара қолданылады.

Ғани Қалмаханов