Қостанайда екі адам үсіктен қайтыс болды

Қостанайда екі адам үсік шалып қайтыс болды. Алдымен Әулиекөл ауданындағы Чернигов ауылынан 29 жастағы келіншектің мәйіті табылған. Сол күні Денисов ауданындағы Перелески ауылында да дәл осындай оқиға болды. 50 жастағы әйел көшеде үсіп қалған. Екеуі де жолға шықпаған. Мүрделері ауыл арасынан табылып отыр.

Ирина Беженарь, Қостанай облыстық ІІД баспасөз хатшысы:

- Екі адамның да денесінде жарақат іздері жоқ. Яғни, олар кісі қолынан қаза таппағаны анық. Алғашқы болжам бойынша екеуі де үсіп өлген. Қазір жан-жақты сараптама жасалып, сотқа дейінгі тергеу жүріп жатыр.

Дәуренбек ӘБДІБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.