Шығыс Қазақстанда 93 мыңнан астам адам КВИ-ға қарсы екпе алып үлгерген

Шығыс Қазақстанда 93 мыңнан астам адам коронавирусқа қарсы екпе алып үлгерген. 35 мыңға жуығы - ауыл тұрғындары. Өңірдегі аудан орталықтары мен ауылдарда егу пункттері үздіксіз жұмыс істеп тұр. Әлеуметтік, құқық қорғау саласы мамандары мен қоса, қарапайым халықтың да белсенділігі жоғары. Әсіресе Үржар ауданында екпе алуға ниет білдіргендер көп. Ауданда 24 егу пункті жоспарға сай жұмыс істеп жатыр. Өткен аптада шалғай елді мекендерге отандық «QAZ Vaс» вакцинасы жеткізіле бастаған.

Әсел Қабдалова,  Үржар аудандық ауруханасының бас терапевт дәрігері:
Үржар ауданы бойынша 40636 тұрғын тұрады. Соның ішінде 21386 адам жосы жылдың аяғына дейін вакцина алуы керек. Күніне біз 60 адам еге аламыз, әрбір екпе пункті.

Ержан Жақып