Отандық мамандарға әлем елдерінен сұраныс артқан

Ел Тәуелсіздігінің арқасында Семейдегі геолог мамандарды даярлайтын колледж әлем елдеріне қажет кадрлардың ұстаханасына айналды. Қазір оқу орнының түлектері 50-ден астам мемлекетте қызмет етіп жүр. Егемендік алғаннан кейін халықаралық стандарттарға сай болу үшін білім ордасы геолог, гидрофизик, бұрғылаушы мен экологтарға ағылшын тілін тереңдетіп оқыта бастаған. Нәтижесінде, қазақстандық кадрларға деген сұраныс күрт артты. Еліміздегі бірегей колледж жылына кен орындарын ашып, қазба байлықтарды зерттейтін 200-ге тарта маман даярлап шығарады. 

Дәурен Есенаманов, колледж директорының орынбасары:
2000 жылдардың ортасынан бастап, ең алғаш түлектеріміз қадам басты, ірі-ірі компанияларға. Мысалға: «Schlumberger», «MadLogan», «Haliburton», «Rio Tinto» сияқты өте ірі компаниялар. Сонда 2000-шы жылдардың ортасынан бастап кәдімгі техник-геолог ретінде бастады да, қазір сол компанияларда жетекші орындарда жұмыс атқаруда.

Ержан Жақып