Қостанайда жұмыртқа мен сұйық майдың шекті бағасы белгіленді

Қостанайда жұмыртқа мен сұйық майдың шекті бағасы белгіленді. Соңғы үш айда олардың құны 15 процентке қымбаттағандықтан, жергілікті атқарушы билік осындай шешім қабылдады. Жалпы аймақта азық бағасын тұрақты ұстаудың үш бағыты бар. Оның бірі тұрақтандыру қорын жасақтау, екіншісі өндірушілерді жеңілдікпен несиелеу және тауар құнын шектеу. Бірінші бағытқа биыл 1,5 млдр теңгеге жуық қаржы бөлінген. Тұрақтандыру қорында қазір әлеуеметтік маңызды саналатын 12 тағам түрі бар. Алайда сұйық май мен жұмыртқа бағасын тауарлық интервенция жасау арқылы ауыздықтау мүмкін болмағандықтан, арнайы қаулы шығарып шектеуге тура келіп отыр. 

Дәуренбек Әбдібек