Ақтөбеде карантин талабын бұзғандарға 31 млн теңге айыппұл салынды

Ақтөбеде шектеу талаптарын бұзғандар саны азаймай тұр. Қазір өңірдегі 40-тан аса мониторингтік топ қоғамдық тамақтану орындарына, сауда орталықтарына және қоғамдық көліктерге бақылау жүргізіп жатыр. Осы уақытқа дейін жергілікті полиция қызметі арқылы 225 іс сотқа жіберіліп, 31 миллион теңгеден астам айыппұл салынды. Бұған дейін рұқсат етілмесе де, жексенбі күндері облыс орталығындағы ірі базарлар жұмыс істеп келген. Дегенмен, соңғы демалыс күні олардың да жұмысы тоқтады.  

Мұхтар Сербаев, облыстық Санитарлық-эпидемиологиялық бақылау департаменті басшысының орынбасары:
Координациялық орталықтардан түскен шұғыл хабарлама негізінде жоспардан тыс 28 тексеріс жүргізілді. Тексеріс нәтижесінде 28 обьектіге 3 млн 558 мың теңге айыппұл салынды. 28 ұйғарым берілді.

Жақсыбек Кемал