«Бақытты отбасы» бағдарламасына өтініш қабылдау басталды

«Бақытты отбасы» бағдарламасымен үй алу үшін өтініш қабылдау басталды. Бағдарламаға тұрғын үйге мұқтаж ретінде әкімдік есебінде тұрған азаматтар қатыса алады. «Бақытты отбасымен» үй алу үшін Отбасы банкінің ресми сайтына электронды өтініш беру керек. Келесі күні сізге банк қызметкері қоңырау шалады. Белгіленген күні қажетті құжатты жинап, банк бөлімшесіне бару қажет. Бағдарламаның шарты бойынша ипотека 2% жылдық мөлшерлемемен 20 жылға дейін беріледі. Бастапқы жарна 10%. Құжаттар 26 мамырға дейін қабылданады. Нұр-Сұлтан, Алматы, Шымкент, Ақтау, Атырау қалаларында баспананы 15 млн теңгеге дейін, басқа өңірлерде 10 млн теңгеге дейін сатып алуға болады.

Ақерке Бектас