Түркияда 2016 жылғы мемлекеттік төңкеріске қатысқан 22 адам өмір бойына сотталды

Анкара соты 2016 жылы іске аспаған төңкеріске қатысқан 22 адамды өмір-бақи түрме жазасына кесті. Олардың ішінде бұрынғы жауынгерлер мен жоғары лауазымды офицерлер бар. 

Жалпы билікті күшпен басып алу ісі бойынша 2017 жылдан бері 497 адамға айып тағылған. Сотталушылардың көбі Түркия президенті гвардиясының бұрынғы мүшелері. Және де олардың айтарлықтай бөлігі осыған дейін түрлі мерзімге қамалды. 

Сәтсіз путч үшін Түркияда мыңдаған адам қудаланып, 2 жарым мыңнан астамы өмір-бақи түрмеге жабылып, 100 мыңнан астам мемлекеттік қызметкер жұмыстан аластатылды.

Арыстан Рысбек