Бірнеше өңірде жоғары ағынды оттегі құрылғысы жоқ

Бірнеше өңірде жоғары ағынды оттегі құрылғысы жоқ. Жан сақтау бөлімдерінің тек 64 проценті стандартқа сай техникамен қамтылған. Бүгін Мәжіліс депутаты Ғалымжан Елеуов денсаулық сақтау министрлігіне осындай сауал жолдады. Пандемия уақытында қажетті құрылғымен қамтудың маңызы зор. Вирус елге тарағалы біраз уақыт өтсе де, бұл мәселе әлі күнге дейін түбегейлі реттелмеген. Ал оттегі концентрациясы - ауруды тез емдеудің тың тәсілі. Соның нәтижесінде науқасты ИВЛ аппаратына ауыстыру қаупіненен сақтайды. Тиімділігі дәлелдене тұра, бұл құрылғымен еліміздегі медициналық мекемелердің тек 22 пайызы ғана қамтылған.

Ғалымжан Елеуов, ҚР Парламенті Мәжілісінің депутаты:
Атырау, Қызылорда, Маңғыстау өңірлерінде бұл құрылғы мүлдем жоқ. Біз мүмкіндіктерді тиімді пайдалана отырып, қайғылы жағдайлардың алдын алуымыз керек. Сондықтан Денсаулық сақтау министрлігі барлық аймақта ковидті емдеуге қажетті құрылғыларға қатысты ақпараттарды нақтылауы қажет.

Раушан Сайлауқызы