Жаңалықтарды Telegram арнамыздан оқыңыз!Қазір елімізде 171 елді мекенге су басу қаупі төніп тұр. Ол жерлерде 43 мыңнан астам адам тұрады. Бұл туралы ҚР Төтенше жағдайлар министрлігінің өкілдері айтты. Олар: «биыл су тасқыны айтарлықтай қауіп төндіріп тұрған жоқ. Дегенмен, көп өңірлерде қар әлі толық еріп болған жоқ. Демек, арқаны кеңге салуға болмайды», - дейді.
Қазір ірі су қоймалары 70-75 пайызға толған. Егер қар күрт ерісе, көп су босатуға мәжбүр болады. Осыған байланысты жергілікті қызметтер елді-мекенге жақын орналасқан су арналарын мұқият тазалап отырулары тиіс.
Серік Қожаниязов, ҚР Экология, геология және табиғи ресурстар вице-министрі:
Қазгидрометтің мәліметі бойынша, 2015-2017 жылдардағыдай ауқымды су тасқыны қаупі жоқ. Бірақ температуралық фонның күрт артуы және қатты жауын-шашын болған кезде қарағанды, Ақмола, СҚО, Қостанай, Алматы, Түркістан, Жамбыл және ШҚО ішінара су басу көріністері болуы мүмкін.
Оңғар Алпысбайұлы
