Алматыда бір тәулікте 5 мың адам коронавирусқа қарсы вакцина салдырды

Алматыда өткен тәулікте бес мыңға жуық адам коронавирусқа қарсы екпе салдырды. Ал соңғы аптада өз еріктерімен екпе алғандардың саны 40 мыңнан асты. Жаппай вакцинациялау сәуірдің 9-ынан басталады деп жоспарланған. Қазір қаладағы емханаларда екпе салдыруға ниетті барлық келушілер тіркеуге алынып жатыр.

Бүгінде Алматыға 34 900 доза екпе жеткізілді. Әлі де 6 мыңнан аса доза бар. Қоғамдық денсаулық сақтау басқармасының өкілі созылмалы ауруы бар науқастарға, жүкті әйелдерге, балаларға, онкологиялық ауруы бар науқастарға вакцина салдыруға болмайтынын айтты.

Қуан Нұрақын