Жылжымайтын мүлік саласындағы қызмет 1,5 млрд теңгеден асты

Жылжымайтын мүлік саласында көрсетілген қызметтердің құны бір жарым триллион теңгеден асты. Бұл алдыңғы жылдармен салыстырғанда 38 пайызға артық. Сарапшылардың айтуынша әсіресе нысанды жалдау қызметіне жүгінетіндер көп. Мәселен ел азаматтары бір жылда 890 миллиард теңгеге баспана немесе өзге де орынды жалға алған. Одан кейін сату-сатып алу қызметі. Ал биыл қаңтар-ақпанның өзінде 41 мыңнан астам жылжымайтын мүлік сатылған. Бұл рекордтық көрсеткіш. Келісімшарт саны 2020-ның екі айымен салыстырғанда 44 пайызға көп. Пәтер бағасының қымбаттауы мен пандемияға қарамастан жылжымайтын мүлік нарығының жандануы зейнетақы қорындағы қаржының берілуімен байланысты дейді сарапшылар.