Тайваньда пойыз апатқа ұшырап, 41 адам қаза тапты

Тайваньда пойыз туннельде жолдан тайып, кемінде 41 адам мерт болды. Тағы 60-тан астамы жараланған. Сонымен қатар, 200-дей адам вагондардан шыға алмай жатыр. 

Болжамдарға қарағанда, пойыз туннелдің кіре берісіне рельске абайсызда құлаған құрылыс машинасымен соқтығысса керек. 

Ел астанасы Тайпэйден Тайтунг қаласына бара жатқан теміржол көлігінде 500-ге жуық адам болды. Оның 8 вагонының алғашқы төртеуінен 100 жолаушы құтқарылды. 

Әдетте ең қауіпсіз саналатын бұл пойыз сағатына 130 шақырымдық жылдамдықпен жүре алады. Жергілікті ақпарат құралдарының хабарлауынша, құрбандардың ішінде оның машинисі де бар.

Арыстан Рысбек