Жаңалықтарды Telegram арнамыздан оқыңыз!Елімізде жасалған зергерлік бұйымдарды экспорттау енді жеңілдей түспек. Тиісті заң бүгін Сенатта қабылданды. Құжатқа сай, бұдан былай бағалы металдар мен тастардан жасалған бұйымға қосымша сынама салынбайды. Отандық әшекей-бұйымдарды бірден Еуразиялық економикалық одаққа мүше елдерге тасымалдауға болады. Бұған дейін зергерлік бұйымдарды экспортқа шығарарда қайта таңбалау қажет еді. Бұл артық шығын мен уақыт. Мамандар жаңа ереже экспорттық әлеуметті артырып, бизнеске қолдау болатынын айтып отыр. Ал бағалы бұйымдарға сынама салумен елімізде үш компания айналысады.
Досжан Маратұлы
