Елімізде эпидемиологиялық жағдай ушығып тұр

Елімізде коронавирус инвекциясын жұқтыру деңгейі күн сайын артып барады. Бұлай жалғаса берсе, былтыр жаздағы жағдай қайталануы мүмкін дейді мамандар. Сондықтан екпе салдырып, қоғамдық иммунитет қалыптастыру маңызды. 

Ақбота Әбішбаева, дәрігер-инфекционист:
Наурыздың ортасынан бастап науқастар көп түсіп жатыр. Санитарлық шараларды сақтау, маска тағып жүру керек. 

Коронавирус жұқтырып, бұл кеселден әрең жаны қалған науқастар да бұл аурудан сақтануға шақырады. 69 жастағы Рая апа былтыр иіс пен дәм сезбей, 3 апта қатты қиналғанын айтады. 

Рая Құрмашева: 
Былтыр бізге өте ауыр жыл болды. Бүкіл халқымыз ауырды. Оның ішінде өзіміз де ауырдық. Әйтеуір дәрігер шақырып үйге, дәрігердің қарауымен жазылдық. Ал енді өзіміздің ауылда да туған бауырым қатты ауырып, екі өкпесі қысып, әрең жаны қалды. Сондықтан осындай аурудан сақ болыңыздар.  

Ақниет Балтанова